Se so’ stutate ‘e luce ‘int’’a nuttata
Povere ‘e luna ‘ncopp’a sta città
‘o viento nun asciutta sti paure
e l’aria ‘e mare trase ‘int’’e pulmune
zitte, stanno durmenno sti ccriature.
Chest’aria ‘e mare
Ma comme sape ‘e chianto st’aria ‘e mare
Na vranca ‘e fronne gialle ‘int’’e penziere
Cu na speranza appesa a na scugliera.
P’’e viche cchiù nun sonano ‘e chitarre
Se so’ addurmute ‘e ddete ‘ncopp’e corde
So’ nuvole luntane sti ricorde
So’ ragge ’e luna stise ‘nterra ‘a rena.
Chest’aria ‘e mare
Profuma ‘e suonno antico st’aria e’ mare
Fantasma arruzzunuto dint’’a varca
Ca chianu chiano se ne va luntana
Lenta scumpare macchia all’orizzonte
E resta ‘o mare… solamente ‘o mare…
Autore: Luciano Somma
TRADUZIONE
LUCIANO SOMMA
ARIA DI MARE
Si sono spente le luci nella notte
Polvere di luna sulla città
Il vento non asciuga le paure
E l’aria di mare entra nei polmoni
Zitti, stanno dormendo i bambini.
Quest’aria di mare
Ma come sa di pianto quest’aria di mare
Un pugno di foglie gialle nei pensieri
Con una speranza sospesa su una scogliera.
Per i vicoli non suonano le chitarre
Si sono addormentate le dita sulle corde
Sono nuvole lontane questi ricordi
Sono raggi di luna stesi sulla sabbia.
Quest’aria di mare
Profuma di sogno antico quest’aria di mare
Fantasma arrugginito in una barca
Che piano piano se ne va lontana
Scompare lenta ed è una macchia all’orizzonte
E resta il mare…solamente il mare…
Questa poesia è stata scritta da , il 2 luglio 2011 at 04:34, nella categoria: luciano somma. Lascia un tuo commento qui